Sefydlwyd Groundwork Merthyr a Rhondda Cynon Taf ym 1985 a bu ar flaen y gad yn adfywio yng nghymoedd Merthyr, Rhondda a Chynon. Llunio partneriaethau llwyddiannus gydag awdurdodau lleol a chymunedau fu’r allwedd i’n llwyddiant.
Fel gyda’r holl Ymddiriedolaethau Groundwork, mae lled ein prosiectau a’n gwasanaethau yn adlewyrchu’r cymunedau yr ydym yn eu gwasanaethu. Mae adfywio cymoedd y de, yn enwedig ardal Pennau’r Dyffrynnoedd, yn flaenoriaeth i’r Cynulliad Cenedlaethol, awdurdodau lleol ac asiantaethau sy’n bartneriaid.
Mae’r cynnydd a wnaethom mewn cymunedau megis Fernhill (ger Aberdâr) a’r Gurnos (ar gyrion Merthyr Tydfil) wedi gwneud gwahaniaeth a lles i fywydau’r bobl sy’n byw yno.
Mae ein portffolio o waith amgylcheddol yn amrywio o’r gwasanaeth Greencare, sy’n darparu prosiectau amgylcheddol i gymunedau, trwodd at ddatblygu Parc Mileniwm Tâf Bargoed. Mae ein prosiect Dolenni a Chysylltiadau yn parhau yn fenter arweiniol o ran datblygu cymoedd y de fel cyrchfan i dwristiaid.
Cyfarwyddwr Gweithredol - Margaret Hannigan-Popp
Cysylltwch a ni - Groundwork Merthyr a Rhondda Cynon Taf
