Cred Groundwork fod gwelliannau ffisegol yn hanfodol i wella ansawdd bywydau pobl, ac yn elfen sylfaenol o adfywio tymor hir. Mae gwaith ar yr elfen ffisegol yn bwysig yn y rhaglenni dan y thema Pobl.
Mae ein gwaith Lleoedd yn cynnwys ein gwaith amgylcheddol ffisegol gyda chymunedau, sydd yn canolbwyntio ar wella neu adfer i ddefnydd cyhoeddus dir diffaith neu dir a esgeuluswyd. Mae’r prosiectau yn amrywio o ran maint o barciau bychain mewn cymunedau unigol i adfer darnau helaethach o dir. Yr ydym hefyd yn rhedeg prosiectau sy’n canolbwyntio ar yr amgylchedd adeiledig, gwella tai, mwynderau cyhoeddus a chyfleusterau hamdden fel rhan o’n gwaith adfywio ehangach.
Mae ‘Lleoedd’ yn cwmpasu ein gwaith o ddatblygu llwybrau cymunedol ar gyfer cerdded a beicio, sydd yn rhoi manteision iechyd a chydlynu cymdeithasol yn ogystal â bod yn ddull cludiant arall, cynnaliadwy. Bu’r prosiectau hyn, sydd yn creu cyfleoedd ar gyfer twristiaeth ac yn gwella economïau lleol, yn un o elfennau ymwneud cynyddol Groundwork yn yr agenda twristiaeth werdd ehangach yng Nghymru.
Mae ein prosiectau eraill yn cynnwys creu gwarchodfeydd natur, parciau eco a chanolfannau gweithgareddau awyr agored a gweithio gyda’n partneriaid i hybu ac annog defnydd cyfrifol o goetiroedd a chefn gwlad ar gyfer hamdden a gweithgaredd corfforol.
