Bu gweithio mewn partneriaeth yn wastad yn ganolog i agwedd Groundwork, ac y mae’n elfen allweddol o’n llwyddiant yn adeiladu cymunedau cynnaliadwy.
Mae pob un Ymddiriedolaeth Groundwork yn bartneriaeth rhwng y sectorau cyhoeddus, preifat a gwirfoddol. Mae Ymddiriedolaethau yn eistedd ar bartneriaethau strategol ac yn gweithio’n agos gyda’u hawdurdodau lleol a budd-ddeiliaid cymunedol er mwyn sicrhau bod y gwaith yn canoli ar angen a blaenoriaethau lleol.
Mae Groundwork Cymru yn bartner yn Rhwydwaith Gefnogi Cymunedau'n Gyntaf, Amgylchedd Cymru ac ym Mhartneriaeth Troi'r Cymoedd yn Wrydd, gan weithio i gyflwyno mentrau’r llywodraeth a dwyn lles ac elw i gymunedau ledled Cymru. Mae Cyfarwyddwr Groundwork Cymru yn eistedd ar bartneriaethau gan gynnwys Cyswllt Amgylchedd Cymru, Fforwm Datblygu Cynnaliadwy Cymru a Grwp Ymgynghorol Amcan 1 ar Adfywio economaidd Cymunedol. Mae’r Ymddiriedolaethau yn eistedd ar lawer o fforymau a phartneriaethau leol sy’n gyfrifol am yrru Cymunedau’n Gyntaf, Strategaethau Cymunedol, datblygu economaidd, cyllid Ewropeaidd, addysg a mynediad a gwaith ar gefn gwlad.
Byddwn yn gweithio’n agos gyda chyrff megis Adran Menter, Arloesi a Rhwydweithio Llywodraeth Cynulliad Cymru, Cyngor Cefn Gwlad Cymru a Chomisiwn Coedwigaeth Cymru. Mae pobl yn gweld ein gwerth am ein bod yn helpu i gyflwyno amcanion ein partneriaid allweddol a rhai Llywodraeth Cynulliad Cymru.
Byddwn hefyd yn gweithio gyda’n partneriaid i roi gwybodaeth a dylanwad ar ddadleuon ynghylch polisi a, lle bo modd, yn gweithio mewn partneriaeth gyda’r sector preifat.
Fel rhan o Ffederasiwn Ymddiriedolaethau Groundwork, gallwn fanteisio ar brofiad ac arferion da Ymddiriedolaethau a sefydliadau yn y DU a ledled y byd sy’n bartneriaid.
