Mae Ymddiriedolaethau Groundwork yn rhoi agwedd integredig o’r gwreiddiau at adfywio, gan ddwyn i mewn y bobl leol a’u galluogi i ofalu am eu hamgylchedd, a defnyddio datblygu cynaliadwy fel catalydd i weithredu a hybu rhagoriaeth yn y partneriaethau y byddwn yn eu sefydlu neu y gwahoddir ni i ymuno â hwy.
Mae Ymddiriedolaethau Groundwork yng Nghymru yn trefnu eu gwaith dan benawdau Pobl, Lleoedd a Ffyniant.
- Pobl sy’n creu cyfleoedd i fwy o bobl ddysgu ac ymrwymo i weithredu dros yr amgylchedd ac ar yr un pryd, gwireddu eu potensial personol a llunio cymdogaethau lleol cryf.
- Lleoedd sydd yn creu cymdogaethau gwell, diogelach, iachach a mwy amgylcheddol gynaliadwy i bobl fyw a gweithio ynddynt.
- Ffyniant yw hyfforddi ar gyfer gwaith, symbylu menter gymdeithasol yn lleol, a gweithio gyda’r gymuned fusnes leol i integreiddio natur gystadleuol busnes a chyfrifoldeb amgylcheddol.
Mae’r penawdau hyn yn adlewyrchu agwedd holistaidd Groundwork tuag at ddatblygu cynnaliadwy ac adfywio, lle mae modd mynd i’r afael â phroblemau amgylcheddol, economaidd a chymdeithasol ar yr un pryd. Y tu mewn i themâu Pobl, Lleoedd a Ffyniant, mae rhaglen waith pob Ymddiriedolaeth yn amrywio yn ôl anghenion yr ardal, blaenoriaethau ei phartneriaid allweddol a’r adnoddau y gall godi.
Pedwerydd pennawd a ddefnyddir yw Partneriaethau. Bu gweithio mewn partneriaeth yn wastad yn ganolog i agwedd Groundwork ac y mae’n elfen allweddol o’n llwyddiant wrth lunio cymunedau cynnaliadwy.
